MAGANDA ANG gising ni Euna, araw ng Lunes. Magaan ang kanyang pakiramdam marahil ay dahil sa paghingi ng 'sorry' ni Ivo noong nakaraan gabi. Malapad ang kanyang ngiti nang lumabas ng silid.
Kumakanta pa sya nang mahina habang nagtitimpla ng mainit na tsaa.
"Aba! Mukhang maganda ang gising ng anak ko, ah!" wika ng papa nya na humihigop ng inumin nitong kape. Lumingon pa ito sa kanya saka ngumiti.
Tumawa sya. "Palagi naman po na maganda ang gising ko, papa," aniya. Hinalo nya ang inumin bago naupo sa bakanteng silya.
Tumango ang papa nya na tila sumangayon na lang habang nandoon pa rin ngisi sa labi. "Sabi mo, e! Sya nga pala. Bakit hindi mo samahan ang mama mo sa palengke. Marami-raming ipapamili dahil may mga uuwing kamag-anak sina Tita Shiela mo."
"Talaga po? Nasa'n na po ba si mama?
