NAKANGITI ANG mag-asawang Diaz habang pinagmamasdan ang kanilang anak na si Ivo na lumalangoy sa swimming pool. Halatang natutuwa ang dalawa sa nakikitang pagbabago sa kanilang anak.
"Masaya akong makita na lumalabas na ng silid iyang anak natin," ani Jose na malapad na nakangiti.
Tumango si Shiela. "Kahit ako man. Iyan din ang nararamdaman ko. Alam ko na si Euna ang dahilan." Makahulugang tumingin ito sa asawa saka kapwa sila na napunta ang mga paningin kay Euna na nasa kabilang bahagi ng swimming pool kung nasaan ang Gazibo. Nakatayo ang dalaga roon habang pinagmamasdan din si Ivo.
Nakatayo sa likuran nito si Kimmy na may hawak ng tuwalya.
"Bagay silang dalawa, hindi ba?" tanong ni Jose sa esposa.
Tumango si Shiela at tila kinikilig na hinilig ang ulo sa asawa. "Tama ka. Gusto ko s
