❣︎ URSULA/2030 ❣︎
Isang kumpol ng pulang rosas ang unang sumalubong sa akin pagkagising ko sa umaga. May kasama pa iyong tsokolate at isang manikang oso na kulay asul—teddy bear daw ang tawag dito. May isang kapirasong papel na may kakapalan ang nakadikit sa pabalat ng bulaklak.
Isang magandang araw para sa isang magandang binibini.
Zeb
Ako ay napangiti nang mabasa kung kanino nanggaling ang mga ito.
Isa ngang magandang araw ito para sa akin. Ito ang araw na makakatapak na ako sa totoong eskwelahan. Mas lalo pang gumanda ang araw na ito, dahil sa mga bigay ni Zeb. Kinuha ko ang aking polaroid camera at inaayos ang mga bigay ni Zeb saka iyon kinuhanan ng litrato.
Nang lumabas na ang larawan ay kaagad ko iyong ipinaypay at nang maanina
