Chapter 33
*FLASHBACK*
Walang emosyon na pinapanuod ni Trace ang unti-unting pagbaba ng kabaong ng kaniyang ina sa hukay habang nasa gilid niya nakatayo ang kaniyang ama seryoso lang ang mukha at naghihintay lang hanggang sa matapos ang libing ng kaniyang asawa. Walang ibang nakaalam sa nangyari sa ina ni Trace, ipinalabas lang ni Uncle Lucian na napatay ito ng mga kalaban nila.
Marami ang nakiramay sa kanila, mga kasosyo sa negosyo, ang mga council ng mafia Heldrich at ilang kilalang tao sa business world na kilala ni Uncle Lucian. Lahat sila ay nakiramay sa kanilang mag-ama at ang iba ay naawa para kay Trace dahil naulila na ito sa ina. Ang nangyaring pagkamatay ng ina ni Trace sa mismong mga kamay nito ay isinasama na ni Uncle Lucian sa libingan ng kaniyang asawa. Ma
