"Halika, sumama ka sa amin. Dadalhin ka namin sa ligtas na lugar," ika ng babae
Sumama ako sa kanila. Habang naglalakad kami ay patuloy ako nakumakain ng binigay nila. Sobrang gutom na ako kaya hindi ko na pinigilan na kumain.
Halos isang oras na yata kaming naglalakad at sa wakas ay nakalabas na kami sa gubat. Nakarating kami sa isang maliit na bahay. Isa yata iyong outpost ng mga ranger sa bundok. Doon kami saglit na nagpahinga.
"Ayos ka lamang ba?" tanong ng babae sa akin.
"Ayos lang naman po ako, marami-rami na rin akong tiniis kaya walang-wala na ang ganitong paglalakad para sa akin," tugon ko sa babae.
"Buti na lang ay nahanap ka namin. Hindi kasi ligtas na gumala-gala sa bundok o sa gubat lalo na at mag-isa ka lamang. Marami kasing mga makamandag na ahas at mababangis na baboy
