Ilang araw na ang nakalipas mula noong dumating ang may ari ng resort. Hindi ko akalain na pinsang buo ko pala ang may ari ng resort na ito. Mabuti na lang at nakilala ko si Seb.
Ito na ang huling araw nila Seb sa resort. Umaasa ako na matutulungan niya pa rin ako na makita ang aking mga magulang kahit aalis na sila rito sa resort.
Hindi niya magawang kitain ako dahil laging nakabuntot sa kaniya ang babaeng anak ng family friend nila. Ayaw ni Seb na makita ako ng babaeng iyon dahil nga baka malaman nito ang sikreto ko.
Sinabi rin sa akin ni Seb na may gusto pala ang babaeng iyon sa kaniya at nagre-request na ipakasal sila. At dahil matapang si Seb, talagang pinaglalaban niya ang karapatan niyang pumili kung sino ang pakakasalan niya kaya hindi natutuloy ang gustong mangyari ng babae. Sa
