Sinisimulan ko na ang pag-aayos ko sa aking sarili. Pinili ko na simple lamang ang paglalagay ng lipstick at kung ano sa aking pisngi. Gusto kong masanay sila na hindi na ako naglalagay ng heavy makeup.
Kabado na ako sa pagkikita namin ni Cleyeol. Sana talaga ay maayos na namin ang hindi namin pagkakaintindihan. Kung magkikita rin kami ni Adrian, sana ay aminin niya na walang namamagitan sa aming dalawa. Dapat ay matapos na ang problema sa pamilya ko, sa amin ni Cleyeol.
“Ma’am Klejerie, pinadala po ito ni Ma’am Chantal. Suotin ninyo raw po ang regalo niyang kwintas para sa iyo. Tiyak na babagay daw po iyan sa long gown,” saad ng head maid namin.
“Maraming salamat po. Ipatong na lang po ninyo sa may vanity. Susuotin ko po mamaya bago umalis,” ika ko.
Pagkalabas niya ay ini-lock ko mun
