Kita ko ang sakit sa mga mata ni Keiza. Ganito talaga kapag medyo nasobrahan sa pag-idolo sa isang tao, hindi mo namamalayan na pati ang puso mo ay nahuhulog na rin sa kaniya.
Sa totoo lang ay mahirap kasi talagang pigilan kapag ang puso na ang gumagana. Pero dapat paganahin din ang utak para hindi masaktan.
"Ganiyan talaga, hindi natin namamalayan na na-a-attach na pala damdamin natin sa kanila. Sa susunod, tatawanan at pasasalamatan mo na lamang ang ganiyang experience. Ang mahalaga ay alam mo kung saan ka lulugar at hindi mo pinipilit ang sarili mo," ika ko.
"Wow, may experience ka na rin bang ma-in love sa ibang lalaki?" curious na tanong ni Keiza.
Ngumuso lang ako. Hindi ko naman puwedeng ikuwento ang tungkol sa amin ni Cleyeol. Lalo lamang mabubuking ang totoo kong pagkatao kapa
