Ang mga pulis na nag-aasikaso ng kasong inilalaban namin ay darating ngayon para i-discuss kung sino ang nagpadala ng mga armadong lalaki.
Hanggang ngayon ay hindi pa rin namin alam kung sino ang mga tumulong sa amin. Hinayaan na naming mga pulis ang mag-imbestiga. Masyado na rin maraming nalagas sa bodyguards namin kaya ayaw na muna namin silang pasamahin sa pag-imbestiga.
"Dad, ano pong sabi ng kakilala ninyo sa pulitika?" seryosong tanong ko. "Siya po ba ang may pakana ng balita na iyon?"
"Iyon na nga, Klej. Hindi raw siya ang naglabas ng videos kaya nagulat siya na naunahan pa ang plano niya," sagot ni Dad.
Mas lalo naman akong nagtaka. Pulitika kaya talaga ang intensyon sa pagsiwalat ng illegal na ginagawa ni Mr. Seraphin?
"Siguro naman po ay labas na tayo sa issue na iyan. Matag
