Parang normal naman ang mga araw. Umuuwi si Cleyeol pero hindi siya rito natutulog. Nanatiling lihim na may binili siyang bahay dito.
At dahil maaga akong natapos ang task na ibinigay sa akin nila Mom, naisipan ko na magluto para sa aming miryenda. Kadalasan ay hapon umuuwi si Cleyeol at gusto ko ay ipagluto siya, pati na rin ang mga pinsan ko.
"Kanina pa kita hinahanap, Klej. Bigla ka kasing nawala habang busy kami ni Seb. Nandito ka lang pala," ika ni Chantal.
Tiningnan niya ang aking niluluto. Naaalala ko na ito ang paborito ni Cleyeol noong magkasama kami dati sa amin. Tiyak na maaalala niya na pinagluluto ko siya dati. Ipararamdam ko sa kaniya na hindi ako nagbago.
"Chicken alfredo pasta ang aking niluluto para sa ating miryenda. Naalala ko na paboritong luto ko ito ni Cleyeol
