KAKALABAS lang ni Gage sa banyo nang may narinig siyang kumakatok sa labas. Naiiling niyang nilapitan ang pinto habang nilalagyan ng gasa ang kamay na punong-puno na ng sugat. Kanina, parang pakiramdam ni Gage ay nagbabad siya sa isang drum ng alcohol dahil sa hapdi noon. Maluha-luha niyang dinamdam ang hapdi dahil makakatulong iyon upang malinis ang mga sugat niya.
Nang makalapit sa pinto, binuksan kaagad ni Gage iyon at bumungad si Sebastian na nakaarko ang mga kilay. Dumiretso ito sa loob at pabagsak na umupo sa sofa.
"Pagong ka ba? Kanina pa ako sa labas!" himutok nito.
"How was it?" tanong niya imbes na sagutin ang kaibigan.
Naglakad siya palapit dito. Tinapos niya muna ang paglalagay ng gasa sa magkabilang kamay bago umupo sa harap ng kaibigan na masama ang tingin sa kaniya.
"It
