Nette POV
"NETTE iha?" Nagising ako dahil sa pagyugyog sa balikat ko. "Iha, nandito si Singko at pinapababa ka." Dahan dahan akong nagmulata at tumambad sa'kin ang nakangiting si Manang Dori. Bahagya kong kinusot kusot ang aking mga mata at mabilis na napaupo.
"Pasensya na po manang dahil tinanghali ako ng gising." Nagmadali ako sa pagbangon at pag-aayos ng kama.
"Ayos lang iyon halika na at bumaba." Hinawakan niya ako sa braso at hinila.
"Sandali lang po manang hindi pa po ako nakakapaghilamos." Inayos ko ang buhok kong nagkalat sa aking mukha dahil tinanggal ko sa pagkakatali.
"Ayos lang iyan, nagmamadali si Singko at nagkakagulo sa labas." Nanlaki ang mga mata ko at nilukob ng pag-aalala dahil sa pagkabanggit ng pangalan ni Mr. Fifth.
"Po? Ano pong nangyari kay Mr. Fifth?" Sumun
