"Hindi ka ba nagbibiro, Bigote?" maang na tanong ko. Hindi kasi ako makapaniwala sa sinabi niya sa akin. At malay ko ba kung niloloko ako ng lalaking ito.
"Hindi, Senyorita? Bakit, hindi mo pa ba alam na magdi-date kayo ni Boss Jackson?" takang tanong nito sa akin.
"Hindi ko alam kung hindi mo sinabi," pahayag ko.
"Ano! Kuh, lagot ako nito dahil inunahan ko siya. Akala ko talaga ay sinabi niya na, kaya nabanggit ko rin sa 'yo," nagkakamot sa ulo na saad nito.
Natatawa tuloy ako sa kanya. Pero, lihim akong napangiti.
"Hayaan mo na dahil hindi ko naman sasabihin na alam ko na at ikaw ang nagsabi sa akin," napapailing na sambit ko.
"Sige, Senyorita, maiwan ko na kayo dahil nakatingin sa atin si Boss Jackson. Baka, kapag nainis 'yan, barilin ako. Pero, alam mo ba, Senyorita na hind
