"Anong nangyari sa inyo, Boss, Senyorita Margaux?" tanong na bungad sa amin ni Mowing nang sinalubong kami ng mga ito sa mansyon.
"Nakipagbakbakan ba kayo sa mga kalaban, Boss Jackson? Dahil halata sa hitsura ninyo ni Senyorita Margaux?" tanong naman ni Bigote.
"Oo, Bigote. Inatake kami nina Rivos, kasama mga tauhan niya. Mabuti na lang at nakahanda kami ni Margaux dahil may dala kaming armas, " pahayag ni Jackson sa kanila. "Sa taas na kami at bukas na lang tayo mag-usap tungkol sa nangyari," dagdag pa niya sa mga ito.
Tumango lang sa amin sina Mowing at Bigote. Nginitihan ko naman ang mga ito at pumanhik na kami sa taas, sa kuwarto ni Jackson. Ni-lock niya ang pinto, kaya lihim akong napangiti.
"Wala na sigurong makapapasok diyan, Jackson," napapapailing na saad ko.
"Mabuti n
