"Ibang lalaki na naman ang kausap mo? nasaan na si Del Valle, bakit hindi mo kasama? nakukulangan ka pa rin ba sa kanya, gaya sa akin noon, kaya mo ako iniwanan? ginago mo ako Jasmine, ginawa mo akong tanga! ilan pa ba ang mga lalaking sinasamahan mo, dalawa, tatlo o li...?!" isang malakas na sampal mula kay Jasmine ang nagpatigil kay Dylan sa pagsasalita. Namumula din ang mukha nito sa sobrang galit. Hindi siya maka paniwalang napakaruming babae pala ang tingin sa kanya ng kanyang dating asawa at ama ng kanyang anak.
"Hindi ko akalain na ganyan karumi ang isip mo, Dylan! hindi ka man lang nagtanong sa akin bago mo ako husgahan..." umiiyak na wika ni Jasmine, bago niya tinalikuran si Dylan. Patakbo itong lumabas ng Mall at sumakay sa kanyang kotse. "Manong, uwi na po tayo!" utos niya sa
