NAKANGITI si David habang pinagmamasdan si Georgia. Ito mismo ang nag-aasikaso sa ama nila sa lahat ng kailangan nito. Kanina niya pa pinagmamasdan ang mga ito habang may binabasa siyang files sa laptop niya. Hindi niya tuloy magawang tapusin ang ginagawa. Lalo na sa tuwing tumatawa si Georgia. Ang mga ngiti nito ay tila bumubuhay sa kanya.
Pinatay niya ang laptop at hindi nakatiis na lumapit sa mga ito.
“Mukhang masasanay si Papa na may nag-aalaga,” wika niya. Nasa likuran siya ni Georgia dahil inayos nito ang kinakain ng ama. Umiral ang pagkapilyo niya. Hinawakan niya ang pang-upo nito at bahagyang minasahe. Pinandilatan siya ng babae kaya napangiti siya.
“Naku sinabi mo pa. Kaya ko pa naman gumalaw mag-isa,” sagot ng Papa Morgan nila.
Hinila niya ang upuan malapit
