KAHIT labag man sa puso ni Georgia ay iniiwasan niya pa rin si David. Isang linggo na rin itong hindi nagpaparamdam sa kanya. Simula nang magkausap sila sa Manila. Pag-uwi niya ng Laguna ay tumawag ito sa kanya pero hindi niya na sinagot ang tawag nito. Gusto niyang ipakita sa lalaki na tapos na ang lahat sa kanila. Kahit masakit na malayo siya kay David ay wala siyang magawa. Kailangan niyang iligtas ang sarili sa lalaki at mukhang nakapag-move on na rin naman na ito. Kailangan niyang harapin ang bukas na wala ang lalaki.
“Malungkot ka na naman,” puna sa kanya ni Tita Carmen. Inamin niya lahat sa Tita Carmen niya maliban sa s*x video na ginawa ni David.
Ngumiti siya sa tiyahing. Nasa boutique sila ng mga oras na iyon.
“Naisip ko lang si Papa. Tinawagan ko kasi siya kanina at mukhang m
