HINDI namalayan ni Georgia na nakatulog pala siya sa biyahe. Kung hindi pa siya ginising ni Marvin ay hindi siya magigising. Mabigat ang ulo nang magising siya. Binaba niya ang bintana at napatingin sa labas. Hindi pamilyar sa kanya ang bahay na hinintuan ni Marvin. Tiningnan niya ang lalaking kasama.
“Nasaan tayo?” tanong niya.
“Tumawag ako sa bahay ni Ninong Morgan, at nakausap ko si Manang. Umuwi daw si David sa bahay niya,” sagot sa kanya ni Marvin. Hindi man lang sinabi sa kanya ni David na may sarili pala itong bahay.
“Bahay ito ni David?” tanong niya kay Marvin.
“Oo, yan ang bahay na pinagawa niya para kay Belle,” dagdag pa ni Marvin. “I’m sorry,” dagdag na wika ni Marvin nang mapansin nito na natahimik siya. Ngiti ang sinagot niya sa lalaki. Bumaba siya ng kotse
