Napangiti si Marvin nang iabot sa kanya ng Ninong Morgan ang reward money dahil nahanap niya ang anak nitong si Georgia. Napatingin siya sa tseke. Two million pesos. Kung tutuusin ay hindi niya naman hinanap ang anak nitong si Georgia. Kusa niyang nakita si Georgia sa isang boutique nang minsang ihatid niya ang kanyang pinsan na gustong mag-order ng gown sa mga ito. Unang kita niya kay Georgia ay alam niyang ito ang nawawalang anak ng kanyang Ninong na matagal ng pinapahanap sa kanila. Kamukhang-kamukha ni Georgia si Belle. Ang namayapang anak ng kanyang Ninong. Pinagbiyak na bunga ang mga ito kaya nang makita niya si Georgia ay agad siyang nag-imbestiga. Nalaman niya nga na itinago ito ng mga tiyahing nito upang hindi na makita ni Morgan Morres.
“Hindi ko alam kung matatanggap ko ito Nin
