Maaga pa lang ay umalis na sina Georgia at ang tatlong tiyahin niya paluwas nang Manila. Mahirap na kasi at baka abutin pa sila ng traffic sa daan. Madaling araw pa lang ay gising na sila dahil gusto ng Tita Susan na may madala silang pagkaing panghanda. Kapwa exicted ang mga ito na pupunta ng Manila. Palibhasa kasi ay subsob sa trabaho ang mga ito at maging siya ay ganoon din. Nakakalimutan na nilang maglibang.
Maaga pa lang ay tinawagan siya ni Marvin upang ipaalala ang pagluwas nila. Mabuti na lang at hindi na nagpumilit si Marvin na sunduin sila pagkatapos niyang sabihin na may driver naman silang maghahatid.
HINDI maiwasang hindi humanga ni Georgia sa bahay ng kanyang ama nang makarating sila nang Manila pagkatapos ng mahabang biyahe. Sa labas pa lang ng bahay ay nakaabang na sa kan
