GUSTONG mahalin ni Georgia si Marvin pero hindi niya magawa, iyon ay dahil kay David. Ang lalaki pa rin ang hinahanap ng kanyang puso. Hanggang ngayon ay ang presensiya pa rin ni David ang kanyang hinahanap. Kahit na galit siya sa lalaki ay hindi man lang nabawasan ang pagmamahal niya dito. Kung minsan nga ay gusto niya na lang makalimot upang hindi niya maisip si David at upang hindi na ito hanapan ng kanyang puso. Nananabik na siyang mayakap ito.
Muntikan pang mapasigaw si Georgia nang makita si David na lumabas ng silid. Buong akala niya ay nasa business trip ito kasama ang ama. Anong ginagawa nito sa mansiyon? Balibhasa kasi ay maghapon lang siyang nakakulong sa kanyang silid kung kaya hindi niya napansing dumating David. Kung ganun ay nakita nito ang proposal sa kanya ni Marvin. N
