Dahil sa pagtitig ko sa kanya ay hindi nakalampas sa mga mata ko ang panginginig niya. Kunot noo ko siyang nilapitan para mas makita iyon at tama nga ako dahil nanginginig siya. Napa kunot ang noo ko ng bahagya.
"Jeck?" mahinang tawag ko pero wala akong akong narinig na tugon.
Kahit nagdadalawang isip ay nagawa ko pa rin na hawakan ang noo at leeg niya para malaman kung tama ba ang hinala ko. Nanlaki ang mga mata ko nang maramdaman na sobrang init niya. He has a high fever! Bahagya siyang tumihaya ng pagkakahiga kaya bahagya akong napaatras.
Napalunok ako saka muling pinakiramdaman ang noo at leeg niya na sobrang init.
"Hmmm," ungol niya habang nanginginig kaya mabilis kong binalot sa katawan niya ang makapal na comforter.
Mabilis akong nataranta kaya halos madapa na ako nang tumakbo
