Nakatingala siya sa malaking Hacienda na pagmamay-ari na niya. Kumatok siya sa malaking gate upang marinig siya ng nasa loob. Sa laki ng sakop ng kanyang Hacienda kinailangan pa niyang umarkila ng sasakyan para makating dito.
Sumilip ang isang babae sa gate bago niya ito binuksan. "Senyorita, Devon!" Bakas sa mukha ng katulong nila ang labis na tuwa ng makita siya.
"Magandang araw." Hinila niya ang kanyang maleta ngunit kinuha naman ito ng katulong niya para bitbitin.
"Senyorita, sino ang kasama n'yo"
"May nakikita ka ba na kasama ko?" Pagtataray niya.
Yumuko ito. "Pasensiya na Senyorita."
"Walang problema, kumusta na ang hacienda?"
Tumahimik ito kaya alam niyang hindi maganda ang nangyayari sa Hacienda niya.
"Hindi ka sumagot ibig sabihin hindi maganda ang naging pagpapatakbo
