Tahimik kong pinagmamasdan ang mabining pagtulog ni Nayeli. Nakahiga ako sa tabi niya habang nakatunghay ako sa kanyang mukha.
Alas-diyes na ako nakabalik dito sa kwarto niya dahil hindi ko namalayan ang oras. Nakatulog ako ng diretso at paggising ko gabing-gabi na. Akala ko nga hindi bukas ang kanyang bintana nang puntahan ko siya. Akala ko susuwayin na naman niya ako. Pero heto ako ngayon at nakatunghay sa kanyang magandang mukha.
Tanging lampshade lang ang ilaw na nakabukas rito sa kwarto niya. Sapat lang para mapagmasdan ko ang maamo at maganda niyang mukha.
"Kailan ba kita maiuuwi sa bahay ko, honey? Palagi kitang nami-miss at naaadik na ako sa iyong amoy at init ng katawan. Sana palagi kitang katabi, kayakap at kaulayaw sa aking kama. Kung kaya ko lang sirain ang relasyon namin ni
