NAPATULALA ako nang matagal sa harap ng nakabukas na locker. Nang makabawi ay dinampot ko ang pulang rose na may mahabang tangkay at pinagmasdan. Ang lakas ng kabog ng puso ko habang iniisip kung sino ang posibleng naglagay ng bulaklak sa locker ko. Isang pangalan ang gusto kong sambitin sa isip, subalit paano kung hindi? Paano kung nagkakamali ako? Paano kung ang naglagay nito ang nagkamali at hindi pala para sa akin ang bulaklak?
“Wow, Celine!”
Naagaw ang pansin ko sa biglang pagsulpot ni Desiree. Nakatayo siya sa aking gilid at malawak ang ngiti habang nakatingin sa hawak kong bulaklak.
“Ang sweet naman! Kanino nanggaling?”
Hindi ako sumagot. Ibinalik ko ang bulaklak sa loob ng locker.
“O, bakit mo itinago? Ang bongga ng long-stemmed rose! Kapag nakita ‘yan ng schoolmates natin,
