SAKTONG kaliligo lang ni Astrid nang katukin siya ng kasambahay na si Vicky upang ipaalam na dumating na ang kaniyang mga kaibigan. Tinapos niya agad ang pagbo-blow dry ng buhok at mabilisang nagbihis. She cleared her bed, her couch and her coffee table. Pagkatapos ay lumabas na siya ng silid at dumungaw sa barandilya ng second level ng bahay kung saan tanaw ang living room.
Sa isang tawag lang niya ay napukaw na niya ang pansin ng mga kaibigan. Tiningala siya ng dalawa. Sinenyasan naman niya ang mga ito na umakyat na.
It's past ten in the morning. Pagbalik niya sa silid ay binuksan niya ang laptop at ipinwesto iyon sa ibabaw ng kama. May ilan din siyang handouts sa tabi, notepad at ballpen. Naulinigan niya ang pag-akyat nina Edison at Thea ng hagdan at ang paglalakad ng mga ito sa pasi
