BUMABA sila sa harap ng mansyon. May mga iilan sasakyan nakaparada sa labas at loob kaya dito na lang pinagarahe ni Emman sa driver at agad silang pinagbuksan ng gate.
Sumunod si Margarett na napa wow ito nang makita ang mala palasyong tirahan ng mga magulang ng alkalde.
“Sobrang yaman n’yo pala, Mayor.” Bulalas pa ng dalaga. Napatingin si Emman sa driver na agad naman yumuko sabay kamot sa ulo. Ito na nga ang pinapangambahan niya. Kanina lamang ay inaral na nila ang dapat gawin pero heto at nakalimutan na naman ng dalaga ang itinuro niya.
“Tara na po, Mayor. Hindi na po ako makapaghintay na makita ang loob ng bahay.”
Akmang hihilahin siya ni Margarett nang pinigilan niya ito. “Bakit po?” inosente pa nitong tanong.
“Gaano mo kamahal ang mga kapatid mo?” tanong ni Emman. Nakapakunot na
