NANG maihinto ni Greg ang sasakyan sa ilalim ng puno ng kahoy ay nahimasmasan ako. Agad akong lumabas ng sasakyan na hindi ko na siya hinintay na pagbuksan kami.
“Mommy? nasaan po tayo?”
“Greg, nasaan tayo?” untag ko sa kanya sabay na tiningnan ko ang paligid. Narito kami sa kakahoyan at sa di-kalayuan ay mayroon bahay kubo.
“Come here.” Saad ni Greg na hindi sinagot ang tanong ko. Akmang hahawakan niya ako nang umiwas agad ako.
“Ano ba huwag mo nga akong hawakan. Sagotin mo ang tanong ko, nasaan tayo?” tumaas na ang boses ko.
“Malayo sa lalaki mo, Gessa.” Pagalit na sagot niya at talagang napamaang ako. Hahampasin ko sana siya nang magsalita si Jillian.
“Mommy, ayaw mo ba kaming kasama ni daddy?”
Hindi agad ako nakapagsalita. Tiningnan ko si Greg pero hindi siya nakatingin s
