Chapter Forty-five
Agad akong nag-excuse kay Nairo na bumalik na ang atensyon sa asong puti pagkatapos niyang ipakilala sa akin. Lumabas ako't agad hinagilap si Kuya Bencio. Nang makalapit ako rito ay agad ko itong sinakal.
"Ma'am? Hoy, ma'am!" halatang nagulat ito pero hindi ko rin talaga mapigilan ang sarili ko. Iyong gigil ko'y umaapaw at kailangan kong ilabas. Natabig ako nito at halos maghabol ito ng hangin. Inubo pa nga. "Ma'am, pumasok ka lang sa loob ay nabawasan na agad ng isang turnilyo ang utak mo?" ani nito na sinamaan pa ako ng tingin.
"Gago ka, Kuya Bencio. Ang lakas din ng tama mo. Nag-overthink ako dahil palagi mong sinasabi na sa paningin ni Nairo ay mas maganda pa rin iyong Cheska na iyon. Tapos aso pala! Seryoso ka talaga?" gigil na ani ko. Akmang mananakal na naman s
