Chapter Twenty-nine
"Alam mo na ba ang balita?" kararating lang namin ni Chi-Chi at nag-aayos pa lang ako ng paninda nang lumipat ng pwesto si Girly at bumulong sa akin.
"Anong balita?" maang-maangan na tanong ko kahit na may idea naman ako sa tinatanong nito.
"Nagkagulo raw kagabi rito." Sa lahat ng gulo na nakita ko ay iyon na yata iyong pinakapayapang gulo na napanood ko.
"Talaga?"
"Oo. May namatay---"
"What?" gulat-gulatang tanong ko rito. "Sino raw? Saka bakit nagkagulo?"
"Ang kwento no'ng tanod ay napansin nila ang kahina-hinalang lalaki kaya naman tinanong daw nila kung ano ang ginagawa sa loob ng palengke dis-oras ng gabi. Imbes sagutin ang tanong ay ngumiti lang daw ito. Kaya mas lalong naghinala ang mga bantay kaya tumawag na ng pulis. Kaso no'ng dumating na ang pulis at l
