Gian Marco's Pov
HIMBING na himbing nang natutulog si Jelaine sa tabi ko, habang ako heto gising na gising pa rin. Nalulungkot ako habang pinagmamasdan ito sa tabi ko, natulog kasing malungkot at galit sa akin ang babaeng mahal ko.
Mula sa pagkakahiga ay bahagya akong bumangon at isinandal nang kaunti ang ulo ko sa headboard ng kama. Patagilid akong humiga, paharap kay Jelaine. Itinukod ko ang siko ko sa may ulunan nito.
"I'm sorry kung sinigawan kita, ha? Sana kausapin mo na ako." Mahina ang boses na kinausap ko ito kahit hindi naman ako nito naiintindihan.
Sobrang nataranta lang ako nang pagbalik ko sa kuwarto ko ay wala ito. Mas lalo pa akong natakot nang hindi nito sagutin ang mga tawag ko, hindi ko kayang ipaliwanag iyong kabang nararamdaman ko dahil do'n. Hindi ako oa o kung ano,
