Jelaine's POV
"Jel, hindi ka pa ba uuwi?" tanong ni Dana sa akin. Matapos kasi naming linisin ang pinakataas ng bahay ay ang sumunod naman ang nilinis namin.
Kahapon kasi ay ang stock room ang unang nilinis namin. Dalawang gabi na akong suma-sideline dito.
Sobrang laki kasi nitong bahay na ito. Nakakalula sa sobrang laki. Dati-rati ay tinatanaw ko lang ito kapag lalabas ng Resort, ni hindi ko inakala na makakapasok ako sa bahay na ito. Kahit pagod na ay hindi ko pa rin maiwasang hindi mapangiti dahil nakapasok ako sa ganito kalaking bahay, kahit pa nga paglilinis ang dahilan kung bakit ako nakapasok dito.
"Hoy, Jel?"
"H-Ha, bakit?"
Napailing naman si Dana sa akin. "Sabi ko, kung hindi ka pa ba uuwi. Hating gabi na, Jel."
"Tapusin muna natin iyong natitirang kuwarto dito sa floo
