Jelaine's Pov
"Okay ka na?" Napalingon ako nang magtanong si Gian. Magkatabi kami nito sa upuan.
Kanina pa ako tapos magkuwento rito ng tungkol sa buhay ko, pero hinayaan lang ako nitong umiyak nang umiyak. Hindi ko alam kung anong nagtulak sa akin para ikuwento rito ang tungkol sa mga insecurities ko sa buhay. Walang ibang nakakaalam ng tungkol do'n kun'di ang Lolo at Lola ko at ang mga tao sa probinsya.
Hanggang ngayon hindi pa rin mawala sa isip ko kung bakit hindi ako nagawang tanggapin ng mga magulang ko. Kung bakit ni isa sa kanila walang gustong tanggapin ako.
"Jelaine." untag nito sa akin kasabay ng paghawak sa aking kamay.
Napatingin ako rito at nakita kong malungkot ang mukha nito habang nakatingin sa akin.
"Okay na ako, salamat." Ngayon ako nakaramdam ng hiya dahil alam n
