NAKATITIG sa kisame si William, nag-iisip kung pa'no maiiwasan si Diana. Mahirap iwasan ito dahil desidido at tila desperada itong maangkin siya nito. Inaamin niyang maganda naman ito at sexy at maaaring madala siya sa tukso kung hindi siya makapagpigil. Kapag nangyari iyon ay may magbabago. Natatakot siya sa mangyayari.
Tinatanong niya ang sarili kung paano kung hindi siya makapagpigil at may mangyari sa kanila ni Diana. Kung hindi sana dumating ang babae sa buhay niya ay hindi siya magkakaganito. Nais ba talaga nitong wasakin ang pagkakaibigan nito at ng asawa niya? May pagtingin ba sa kaniya si Diana? O katawan niya lang ang habol nito?
Naalala naman niya si Paulo na kaibigan niya. Naalala niya ang kinuwento nito sa kaniya. Hindi talaga siya makapaniwala. Bakit sila pa ang napagdiskit
