Habang nagmamaneho si Gianna ng kanyang kotse, lihim siyang napapaisip nang mabuti hinggil sa kakaibang awra ng kanyang matalik na kaibigan na nakaupo ngayon sa passenger seat. Ngumingiti kasi ito habang busy sa pagce-cellphone at kanina pa napapansin ito ni Gianna dahil sa madalas niyang pagsulyap sa kaibigan.
"Mukhang maganda ang araw mo, Ding, ah? May good news na ba ang love life mo?" hindi napigilang itanong ni Gianna sa kanyang kaibigan. Kating-kati na siyang usisain ito ngunit ayaw niyang magambala ang moment nito. Ngunit sa huli ay lumabas na talaga sa bibig niya.
"Nakakatawa kasi itong mga memes na nakikita ko sa f*******:," natatawang sabi ni Diana habang ang focus nito ay nasa screen pa rin ng cellphone.
"Ay, akala ko naman may magandang balita ka na riyan," ani Diana saka na
