"Basta wala akong ginawa kay William. Sadyang nahulog lang talaga siya sa 'kin." Natawa si Gianna matapos sabihin iyon kay Diana. "Pero ang sabi niya sa akin noon, bigla na lang daw tumibok 'yong puso niya para sa akin. Ganoon kasi 'yon, Ding. Kapag tinamaan ka ng pana ni Kupido, mafa-fall ka talaga sa isang tao na hindi mo inaasahan. Sa dami ng mga tao sa mundo, sa kanya pa talaga."
Patuloy lang na nakikinig si Diana sa kwento ng kaibigan.
"Pero ang nakaka-sad lang is hindi lahat ng nagmamahal ay minamahal pabalik," patuloy pang sabi ni Gianna.
Tagos naman ang lahat ng sinabi ni Gianna sa dibdib ni Diana. Mas lalo siyang nakaramdam ng sakit.
Sa isip naman ni Gianna ay tinitimbang niya kung sasabihin pa ba niya kay Diana ang dapat niyang sabihin. Nag-aalangan siya dahil bigo nga raw it
