"Nanay, bakit ba ganyan kayo maglakad?" puna ng kuya Leo ni Santa.
Nasa hapag-kainan na silang lahat, at ang nanay niya ay halos hindi man lang makalakad palapit sa upuan nito. Tumayo ang amain niya at sinalubong ito saka inalalayan na makaupo sa upuan katabi ng upuan nito.
"Ikaw naman kasi, ayaw mo pa kasing magpaawat kagabi." Narinig niyang bulong nito sa ina, saka pa-simple siyang tiningnan at ngumisi.
Walang emosyong tumitig siya rito, tinaasan niya pa ito ng kilay. Mas lalong umusok ang ilong niya sa inis nang kindatan siya nito at sinadya pang dilaan ang labi nito.
Nakakadiri ito!
"Huwag ka ngang maingay riyan, Berto!" saway ng nanay niya. Humagikhik ito.
"Kanino ba kasi iyong chocolate coffee na iyon?" tanong nito.
"Aba, hindi ko alam! Nakita lang natin iyon sa sala kagabi, h
