Pinilit nitong agawin ang card na hawak niya. Nagpupumiglas naman siya pero sadyang mas malakas ito kaysa sa kanya. Binitawan siya nito nang makuha nito ang card.
"Dominic, akin na iyan!" Pinilit niyang agawin ulit ang card pero itinaas nito ang isang kamay kung saan hawak nito ang card, nahirapan naman siyang abutin iyon.
Natigil lang siya nang tumingala ito at binasa nang malakas ang nakasulat sa card. Mariin pa siyang napapikit at muling dumilat.
"You want to be wild and free, right?" nanunuksong turan nito.
"Hindi ko sinabi iyan!" inis na asik niya rito.
"Of course, lasing ka kaya hindi mo maalala."
Inirapan niya ito. "So? ano naman ngayon? May koneksyon ba iyan sa nakasulat sa card?"
Ngumisi lang ito at humakbang palapit sa kanya, napaatras naman siya. Mukhang wala na siyang
