CHAPTER 66
Dahil sa nag-iinuman, hindi ko namalayang nakarami na rin ako at ganoon din si Rocky. Alam kong natamaan na rin siya ng kinakanta ko ang Pagdating ng Panahon ni Aiza Seguerra. Bago ko binigkas ang unang linya ng kanta ay tumingin siya sa akin. Tumitig din ako sa kaniya. Yung tinginang dikit na dikit at pumapasok sa kaluluwa. Hanggang sa sumilay ang ngiti sa kanyang labi. Lalo tuloy naging malakas ang dating niya sa akin. Sa kanyang ngiti nang nakanta ako ay lalong parang nalulunod na ako sa pinipigilan kong nararamdaman sa kanya.
Alam kong hindi mo pansin, narito lang ako. Naghihintay na mahalin, umaasa kahit 'di man ngayonMapapansin mo rin, Mapapansin mo rin
Nang marinig ng mga jail officers at ni warden ang ang boses ko ay nagpalakpakan sila. Ang ilan ay narinig kong pumito
