CHAPTER 54
Lumapit si Daddy sa mga jail guards na naroon habang kami ni Mommy at Hanna ang nag-usap. Hindi pa rin kumbinsido si Mommy sa plano ko ngunit alam nilang matigas ang aking ulo. Kung anong binabalak ko, gagawin ko. This time, kakampi ko si Daddy. Bihirang mangyari na pumapayag si Daddy sa plano ko.
“Tara na anak. Puntahan natin ang warden ninyo. Ipakikilala kita.”
Tumayo ako.
Naglakad ako na paika-ika. Masakit ang aking mga paa at buong katawan at alam kong nakita ni Daddy iyon.
Matagal nang sinasabi ni Rocky sa akin na puntahan namin ang warden at mag-report ako sa mga nangyari sa akin ngunit hindi ako pumapayag. Ngayon lang dahil kasama ko si Daddy. Naisip ko kasing kailangan ko nang makakuha ng suporta dahil sa koneksiyon. Kaya ako natatalo, napapahamak dahil sarili ko l
