CHAPTER 24
Nagkahalikan na kami. Alam na rin naman niyang mahal na mahal ko rin siya at nandito na rin lang naman kami kaya ano pang inaarte ko sa yakap lang na hinihingi niya?
Nang ibinuka ko ang aking mga bisig ay mabilis siyang lumapit sa akin at yumakap. Niyakap ko na rin siya nang mahigpit. Gusto ko yung pakiramam na kulong ako ng kanyang bisig. Yung amoy ko ang kanyang balat, yung ramdam ko ang kanyang kabuuan.
“Nagkakaintindihan na ba tayo, Gjiam?”
“Oo, naiinindihan ko na. Pero sapat para matanggal ko. Magkaiba ang naiintindihan sa tanggap kaya gusto ko pa rin sana na mangako kang kapag maayos na ang lahat, kapag nasa hustong edad na ako, kapag tapos na ako sa aking pag-aaral at kaya na kitang panindigan, sana ako pa rin, sana ako lang. Mangako ka na kapag 21 na ako, pwede nang
