Pagkatapos ng araw na 'yon ay mabilis na lumipas ang panahon. Isang buwan ang mabilis na lumipas na puro pagpapahirap ang ginawa ni Keane sa dalaga. At sa loob ng isang buwan na 'yon hindi man lang siya nakarinig ng kung ano mang reklamo mula kay Alyana at kahit na pagsusumbong sa Mommy niya ay hindi nito ginagawa. At iyon ang labis na ipinagtataka niya. Napakatatag nito.
Sa loob ng isang buwang 'yon, marami na rin ang nangyari kay Alyana lalo na sa pangbu-bully sa kanya sa school. Hindi rin maiiwasan ang pagpapahirap sa kanya ng ibang estudyante at lalong-lalo na ng mga babaeng obsessed sa kanyang amo.
Minsan naaabutan na lang siya ni Keane na may mga sugat o kaya naman galos pero hindi niya 'yon sinasabi sa binata. Hindi rin naman siya nito papansinin at baka pagalitan lang siya. Iba'
