NAPAILING na lang si Henry, dahil sa biglang paglayo ni Lynnette sa kanya. Mabilis na bumitaw ito sa kanyang pagkakayakap, saka patakbong nagtungo sa loob ng kanilang kuwarto. Hinayaan na lang ni Henry ang asawa. Muli din siyang bumaba at nagtungo sa kusina, upang kumuha ng ice pack para sa namumulang mukha ni Lynnette. Matapos niyang makuha ang kanyang mga kailangan ay muli siyang umakyat upang puntahan ang kanyang asawa.
Nadatnan niyang naka upo na sa ibabaw ng kama si Lynnette ng pumasok siya sa kanilang kuwarto. Naka pambahay na rin ito at hawak ang kanyang cellphone.
"Malungkot kana naman, Mahal. Kalimutan mo na yung nangyari kanina. Halika nga dito!" sabi ni Henry, saka binuhat si Lynnette at dinala sa sofa. "Lagyan muna natin ng ice ang mukha mo, para hindi mangitim." sabi ni He
