PAGKALAPAG ng eroplano ay agad na lumabas siya. Tinungo niya ang parking lot ng airport na iyon at sumakay sa sasakyan niyang ginagamit kapag nandito siya sa Cebu.
Nandito siya para sunduin si Asia. Nakailang tawag siya rito kagabi, kahit na kanina pero hindi ito sumasagot.
Kasalukuyan siyang nagmamaneho noon nang tumawag si Maricel, ang secretary ni Kana, na siyang nagma-manage ngayon ng publishing house na pinagsusulatan niya.
“Sir, makakarating ho ba kayo—”
“No. Natanong ko lang kagabi kay Kana. May importanteng lakad ako ngayon dito. Pero kung makita ko na ang hinahanap ko, i’ll try na makadaan. Alright?”
“Noted, sir.”
Pinatay ni Callen ang linya at tinawagan si Asia, pero ring lang iyon ng ring, kaya nagpasya siyang tumawag kay Laura. Nakaalis na raw ito papuntang mall. Mahigit
