“No!” madiing sambit ni Mikea nang ipaliwanag ng kapatid ang dahilan kung bakit siya nagpunta dito sa Raiden.
Nang dumating kasi siya ay agad na kaming pumasok sa loob ng office ni Enver at sila muna ang pinag-usap namin. Ayaw naming makialam agad lalo na’t problema iyon ng pamilya nila.
Baka lalong hindi iyon magustuhan ni Mikea kahit na gusto lang naming makatulong.
Mas mabuting magkausap muna sila ng masinsinan at mailabas ni Michaella ang lahat ng dahilan kung bakit gusto niyang magtrabaho. At mailabas din ni Mikea ang dahilan niya kung bakit pinipigilan niya ang kapatid na magtrabaho.
“Sinabihan ka na nila Daddy na hindi ka pwedeng magtrabaho, hindi ba?” dagdag ni Mikea. “Bakit ba hindi ka na lang makinig?”
“Kasi nakikita kong nahihirapan na kayo,” sagot ni Michaella. “Kasalanan
