DHIANA
"AY GRABE kamu! Kulang na lang talaga ay magkaroon ng buhawi doon sa loob ng kotse sa sobrang kahanginan ni Dan!" kwento ko kay Kean.
Natawa lang naman ito habang umiinom.
Matapos kasi ng seryoso naming usapan ay nagtanong na ito kung bakit kasama ko si Dan kanina. Hindi naman ako naglihim na kaya sinabi ko at eto na nga! Kinukwento ko kung gaano kahangin ang kuya niya!
"Sabi sa iyo e! Ako mild pa lang ang kahanginan, siya ibang level na!" usal nito sabay harap sa akin. "Mabuti at nakauwi ka pa sa akin,"
"Oo naman! Kinaya ko naman. Mahigpit ang seatbelt at nasanay na ako sa iyo kaya kinaya ko!" biro ko na sabay naming ikinatawa.
"Mabuti na lang sinanay na kita kaya lagi kang makakauwi sa aking mga bisig," saad niya na nagpatawa sa akin nang mas malakas at bahagyang napahampas
