DHIANA
"DIDI, apo… pasensya na at ikaw muna ang tumatao dito ha. Kailangan lang ako sa ospital at hindi ko talaga maiwan ang lolo ninyo," saad ni lola nang dumaan ito sa farm.
Hinawakan ko ito sa para naman kahit paano ay mapagaan ko ang loob niya.
"'la, ayos lang ho. Alam ko hong mas kailangan kayo ni lolo doon," saad ko at binigyan siya ng isang magaan na ngiti.
"Salamat, apo," usal nito.
Dalawang araw na ng maospital si lolo at kahapon ay nagising na din ito ngunit hindi pa ito pinalabas dahil mahina pa ang katawan nito bukod doon ay kailangan din siyang matest ng mga doctor.
Hindi naman nagsasalita si lola kung kailangan na ba nito ng pera pero nang tanungin ko si Regina ay meron naman daw na ipon sila lola kaya kahit paano ay hindi na kami mahihirapan.
Hindi naman nagtagal ay n
