DHIANA
"ANG sweet ninyo kaninang tatlo…" bungad na panayam ni Regina nang makapasok kami ng kwarto ni Kean dito.
Sumama kasi ito sa akin para patulugin si Nia. Since masyado na ding malalim ang gabi at gusto din magkaroon ng sariling party ng iba kaya naman papatulugin na namin ang mga bata.
"Si Kean kasi," saad ko dito.
Pinaupo ko na lang si Nini sa kama at para naman akong tanga na biglang napamulahan dahil naalala ki kung anong ginawa namin kanina ni Kean dito.
Mabuti na lang at pinalitan din namin ng cover bago kami lumabas na dalawa kanina.
"Hoy! Bakit namumula ka?" tanong ni Regina.
Agad naman akong tumalikod dito at nagpunta sa bag namin ni Nini at kumuha ng pamalit nito na pantulog.
"Hindi ha! Baka sa ilaw lang iyan," saad ko.
"Ilaw?! Naku! Sabihin mo may naalala ka lang!"
