DHIANA
ISANG iyak ang nagpagising sa kakatulog ko lang na katawan.
Agad kong dinilat ang mga mata ko para makuha si Nia na iyak nang iyak. Marahil ay nagugutom na ang batang ito.
"Wag na iyak, Ni… dito na si Mama…" usal ko dito sabay buhat sa kan'ya.
Matapos kong siyang makuha ay muli akong naupo sa kama namin ni Regina at pinad*de ito.
Ganito ang scenario namin tuwing umaga sa loob ng apat na buwan. Mahirap lalo na nang mga unang buwan dahil first time kong maging nanay kaya naman hindi ko alam ang gagawin, mabuti na lang nandito ang mama ni Regina para alalayan ako sa lahat ng gagawin.
Mula pagpapaligo at pagbibihis kay Nia ay nakaalalay siya, pati na sa mga bakuna at pati sa pusod nito Nia ay siya din halos ang umasikaso no'n at nagturo sa akin.
Unti-unti naman din ay nasanay na
