NANG TUMAPAT ang ala sais ng gabi ay kaagad inaya ni Nick si Soffie na magtungo sa bahay ng kaniyang kaibigan, na siyang malapit lamang mula sa kaniyang rest house. Sakto namang may maliit na handaan doon dahil sa kaarawan ng kaibigan kaya naman napakaraming tao sa loob. Nahiwalay siya kay Soffie nang tawagin ito ng ilang mga kababaihan. Hinayaan niya naman itong makipagkaibigan sa mga iyon sa gabing ito. Samantalang siya naman ay nakikihalubilo sa ilang lalaking kaibigan at bahagyang napainom.
“I’m glad nakarating ka, aba sakto ang pagpunta mo sa rest house mo. Sinadya mo ba ‘yan dahil na-miss mo ‘ko?” biro ng kaibigan niyang si Alexander. Isa itong dating kaibigan sa kolehiyo, kaklase at naging kapatid-kapatiran na rin gaya ni Paolo Henderson. Ang totoo pa nga ay silang tatlo ang magka
